भक्तपुरबाट प्रहरीलाई पैसा दिएको अभियोगमा कार चालक पक्राउ

७ पुस ०७७,मध्यपुर ठिमी । प्रहरीलाई पैसा दिएर प्रलोभनमा पार्न खोजेको अभियोजमा एक कार चालक पक्राउ परेका छन् । मध्यपुर ठिमी नगरपालिका २ सानोठिमीस्थित अनुदान चोकबाट नगद १ हजार रुपैयाँ दिँई प्रहरीलाई आर्थिक प्रलोभनमा पार्न खोजेको अभियोगमा सानोठिमी बस्ने काभ्रे बनेपा नगरपालिका १४ घर भएका ४० वर्षीय गणेश थापालाई सोमबार बेलुका प्रहरीले पक्राउ गरेको हो ।
महानगरीय प्रहरी वृत्त ठिमीबाट खटिएको प्रहरीले बा.१९ च १६७८ नम्बरको कार जाँच गर्ने क्रममा आवश्यक कागजपत्र नभएको फेला पारी नियन्त्रणमा लिने क्रममा गणेशले उक्त रकम दिन खोजेपछि प्रहरीले सो रकम र कार सहित उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको बताएको छ ।