ललितपुरका यी ठाउँमा मंगलबार दिनभर बत्ती काटिँदै

२० पुस, ०७७ ललितपुर । ललितपुरका विभिन्न स्थानमा मंगलबार दिनभर बत्ती काटिने भएको छ । लगनखेल वितरण केन्द्र अन्तर्गत ६६ केभी प्रशारणलाइन मर्मत गर्नुपर्ने भन्दै नेपाल विद्युत प्राधिकरणले मंगलबार ललितपुरका विभिन्न स्थानमा दिनभर बत्ती काट्ने जनाएको हो ।
प्राधिकरणका अनुसार मंगलबजार फिडरको इमाडोल कृष्ण मन्दिर अगाडिदेखि पवन प्रकृतिसम्म बत्ती काटिनेछ। त्यस्तै इमाडोल, कृष्ण मन्दिर, बोझेपोखरी, महर्जन चोक, ढुंगेसागु, टीकाथली, सार्कीढीक, मोतीचोक, खरिबोट र ग्याँसप्लान्टलगायतका स्थानहरुमा बत्ती हुने छैन। यी स्थानहरुमा मंगलबार बिहान १० बजे देखि दिउसो ४ बजेसम्म बत्ती काटिने प्राधिकरणले जनाएको छ।