ललितपुरमा २८ सहित उपत्यकामा थप ४१२ जनामा कोरोना संक्रमण(हेर्नुहोस् कहाँ, कति संक्रमित ?)

२३ पुस ०७७, ललितपुर । ललितपुरमा २८ सहित काठमाडौं उपत्यकामा १११ महिला र १४० पुरुष गरी २५१ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार काठमाडौंमा १९८, ललितपुरमा २८ र भक्तपुरमा २५ जनामा कोरोना भाइरसको संक्रमण पुष्टि भएको हो । योसँगै काठमाडौँमा उपत्यकामा मात्रै कोरोना संक्रमितको संख्या १ लाख २२ हजार ७५७ पुगेको छ ।
नेपालमा थप ४ सय १२ जनामा कोरोना संक्रमण पुष्टि भएको छ । योसँगै नेपालमा कुल संक्रमितको संख्या २ लाख ६३ हजार ६ सय ५ पुगेको छ। यस्तै नेपालमा हाल ५ हजार ५८ जना सक्रिय संक्रमित छन्।

गत २४ घण्टामा ५ हजार १ सय ३२ जनाको पीसीआर परीक्षण गर्दा ४ सय १२ जनामा कोरोना पुष्टि भएको हो। यो सँगै नेपालमा पीसीआर परीक्षण हुनेको संख्या १९ लाख ६९ हजार २ सय ९२ पुगेको छ।

गत २४ घण्टामा ४ सय ८३ जना उपचारपछि डिस्चार्ज भएका छन्। यो सँगै नेपालमा निको हुनेको संख्या २ लाख ५६ हजार ६ सय ४४ पुगेको मन्त्रालयले जनाएको छ। बिहीबार थप ४ जना कोरोना संक्रमितको मृत्यु भएको छ। यो सँगै कोरोना संक्रमित मृतकको संख्या १ हजार ९ सय ३ पुगेको मन्त्रालयले जनाएको छ। हाल ३ सय ४२ जना क्वारेन्टाइनमा छन्।