काठमाडौंमा २ जना मृत अवस्थामा फेला

४ वैशाख ०७७, काठमाडौं । काठमाडौंमा २ जना मृत अवस्थामा फेला परेका छन् ।
प्रहरीका अनुसार काठमाडौं महानगरपालिका ३२ साईराम चोक र काठमाडौं १६ वालाजुमा छुट्टा छुट्टै स्थानमा उनीहरु मृत अवस्थामा फला परेका हुन् ।
काठमाडौं महानगरपालिका ३२ साईराम चोक स्थित एभरेष्ट फुटवेयरका कामदार बस्ने ट्रसले बनेको घरको दोस्रो तलाको कोठामा बुढानिलकण्ठ नगरपालिका १३ चुनिखेलस्थित डिएमएस बुट इन्ड्रस्ट्रिजमा काम गर्ने भारत उन्नउकापुर घर भएका ३४ वर्षीय श्याम मिश्र शुक्रबार मृत अवस्थामा फेला परेका हुन् ।
साथै काठमाडौं महानगरपालिका १६ बालाजु पार्कको चौरमा हाल नाम, थर, वतन नखुलेका अन्दाजी ३० वर्षीय पुरुष शुक्रबार मृत अवस्थामा फेला परेको प्रहरीले जानकारी दिएको छ।