बुधबार ललितपुरमा विद्युत् अवरुद्ध हुने

ललितपुर खबर
७ वैशाख ०७८, चापागाँउ । हुन त आजकल ललितपुरमा कुन बेला विद्युत् अवरुद्ध हुन्छ र कहिले सुचारु हुन्छ भन्ने केही ठेगान छैन । तर बुधबार भने विद्युत् प्राधिकरण ललितपुरले सूचना नै प्रकाशित गरेर विजुली काट्ने भएको छ ।
गत वैशाख ३ गते कन्डक्टर अपग्रेट गर्नका लागि बनाइएको मर्मत तालिका मौसमको खरावीका कारण हुन नसकेपछि बुधबारलाई सारिएको प्राधिकरणले जानकारी दिएको छ ।
दिउँसो १२ बजेदेखि २ बजेसम्म लूभू फिडर,गोदावरी र एइमाडोल फिडर बाट विद्युत् अवरुद्ध हुन लागेको हो पाटनको प्रिमियर स्कूल अगाडि काटिने विद्युत्का कारण यस क्षेत्रका सबै ठाँउमा विद्युत् अवरुद्ध हुने प्राधिकरण कार्यालय लगनखेलले जानकारी दिएको छ ।