झरुवाराशीको जन विकाश स्कूलमा चोरी

१४ वैशाख ०७८, झरुवाराशी ललितपुर । ललितपुरको झरुवाराशीको एक स्कूलमा चोरी भएको छ । गोदावरी नगरपालिका १३ झरुवारासीस्थित जन विकास माध्यमिक विद्यालयको भवनमा पछाडी झ्यालको ग्रिल तोडी चोही भएको छ । चोरीपछि करिब ३ लाख ६६ हजार ९ सय ९२ रुपैयाँ बराबरको १३ थान कम्प्युटर सोमबार दिउँसो चोरी भएको प्रहरीले बताएको छ ।
महानगरिय प्रहरी बृत्त चापागाँउका एक प्रहरीका अनुसार अनुसन्धानका क्रममा २ जना महिला र २ जना पुरुषलाई पक्राउ गरेर अनुसन्धान भइरहेको छ । १ जना आरोपी फरार रहेकाले खोजी भइरहेको छ । उनले भने, ‘हामी छिट्टै अनुसन्धान पुरा गर्ने क्रममा छौं ।’
चोरीमा संलग्न फरार व्यक्तिहरूको खोजी गर्नुका साथै यस सम्बन्धमा प्रहरीले थप अनुसन्धान गरिरहेको जानकारी दिएको छ ।