भक्तपुरमा निस्सासिएर एक जनाको मृत्यु, दुई जना बेहोस

२१ वैशाख ०७८, भक्तपुर । भक्तपुरमा निस्सिसिएर एक जनाको मृत्यु छ भने दुई जना बेहोस भएका छन् ।
सुत्केरी सेक्न झ्याल-ढोका थुनेर कोइला बालेर बसेका तीमध्ये एक जनाको निसास्सिएर मृत्यु भएको हो।
मृत्यु हुनेमा काभ्रे तिमाल गाउँपालिका ३ की २२ वर्षीया सुनिता तामाङ छिन्। उनी भक्तपुर सूर्यविनायक १० मिलन चोकमा आमासँगै डेरामा बस्दै आएकी थिइन्।

उनीसँगै कोठामा सुतेका आमा र बहिनी अचेत अवस्थामा छन्।

आमा ४० वर्षीया शान्तिमाया तामाङ र बहिनी १८ वर्षीया अनिता तामाङको अहिले मध्यपुर अस्पतालमा उपचार भइरहेको महानगरीय प्रहरी परिसर भक्तपुरले जनाएको छ।
आइतबार राति ११ बजे घरको झ्याल ढोकाको चुकुल फोडेर उनीहरूलाई निकालिएको थियो।