ललितपुरमा निषेधाज्ञा अवज्ञा गर्ने ७७ जनालाई कारवाही

ललितपुर खबर
२३ वैशाख ०७८,ललितपुर । निषेधाज्ञा अवज्ञाा गरेको अभियोगमा ललितपुरका विभिन्न स्थानमा प्रहरीले ७७ जनालाई कारवाही गरेको छ ।
महानगरिय प्रहरी परिसरका प्रहरी उपरिक्षक एवं प्रवक्ता प्रज्वल महर्जनका अनुसार बुधबार विहान ५ बजेदेखि साँझ ५ बजेसम्म चेक गर्ने क्रममा १२५ वटा मोटर साइकल र १९५ गाडी होल्ड गरिउको थियो । प्रवक्त महर्जनका अनुसार ३७५ जना महिला र १ हजार १७५ पुरुष गरि जम्मा १ हजार ५७० जना अनावश्यक हिडडुल गरेको पाइएपछि सम्झाई बुझाई छोडिएको थियो । यस क्रममा २४ जनालाई मास्क समेत वितरण गरिएको थियो ।
प्रहरी कार्यालयले जारी गरेको विज्ञप्तीमा अनावश्यक हिडडुल गर्नेलाई संक्रमक रोग ऐन २०२० अनुसार कारवाही गरिने उल्लेख छ ।