ललितपुर खबर
२५ वैशाख ०७८, ललितपुर । ललितपुरमा कोरोना संक्रमितहरुका लागि निःशुल्क रुपमा एम्बुलेन्स सेवा उपलव्ध हुने भएको छ ।
निमित्त प्रमुख जिल्ला अधिकारी श्री ललितकुमार बस्नेतको अध्यक्षतामा शुक्रबार बसेको बैठकले जिल्लाभित्र सञ्चालनमा रहेका एम्बुलेन्सहरुका सम्बन्धमा सरोकारवालाहरुको सहभागितामा बैठक बसेर एम्बुलेन्स निःशुल्क रुपमा उपलव्ध गराउने निर्णय गरेको हो । बस्नेत कोरोना संक्रमणपछि आइसोलेसनमा रहेर पनि निरन्तर बैठक तथा फोन सम्पर्कमार्फत काम गरिरहेको ललितपुर खबरलाई जानकारी दिएका छन् ।
स्वास्थ्य कार्यालय ललितपुरका प्रमुख खगेश्वर गोलालले ललितपुर महानगर, महालक्ष्मी र गोदावरी नगरले कोरोना संक्रमणका विरामीलाई आवश्यक पर्ने एम्बुलेन्स निशुल्क रुपमा उपलव्ध गराउने प्रतिबद्धता दिए अनुरुप सबै पालिकासँग बसेर निशुलक रुपमा सञ्चालनमा ल्याउनका लागि निर्णय गरिउको बताए ।
बिरामी बोक्न प्रयोग गरिएको एम्बुलेन्सको लागि लागेको खर्च जुन पालिकाको क्षेत्रवाट बिरामी अस्पतालसम्म पुर्याइन्छ सोहि स्थानिय तहले नै व्यहोर्ने व्यवस्था गर्ने निर्णय गरिएको छ । यस सम्बनधमा पालिका प्रमुखसँग छुट्टै बसी थप निर्णय गर्ने जानकारी दिइएको छ ।
सबै एम्बुलेन्समा अक्सिजन जडान गरी चलाउने तयारी गरिएको बस्नेतले जानकारी दिएका छन् । ललितपुरमा कोरोना संक्रमितहरुका लागि विरामी बोक्न समस्या भइरहेको र धेरै गुनासाहरु आउन थालेपछि व्यवस्थि तगर्ने योजना अनुरुप यो निर्णय गरिएको बस्नेतको भनाई छ ।
साथै ललितपुर जिल्लामा सञ्चालनमा रहेका एम्बुलेन्सलाई अनिवार्य रुपमा बैशाख मसान्त भित्र जिपिएस जडान गरिने भएको छ । यस कामको रेडक्रस सोसाइटी ललितपुर शाखाले समन्वय गन जिम्मेवारी तोकिएको छ ।
बस्नेतका अनुसार केही एम्बुलेन्समा जिपिएस जडान भइसकेको र बाँकी एम्ब’लेन्समा छिट्टै जिपिएस जडान गरेर सञ्चालनमा ल्याउन लागिएको हो ।
यसको अनुगमन गरी जिपिएस जडान नभएका एम्बुलेन्स सञ्चालन रहेको पाइएमा नियमानुसार कारवाही गर्ने समेत बैठकले निर्णय गरेको छ ।
प्रतिक्रिया