ललितपुर खबर
२६ वैशाख ०७८, चापागाउ । निषेधाज्ञापछि ललितपुरको बजारमा मूल्यबृद्धि गरिएको छ ।
चापागाँउस्थित होलसेल बजारमा दैनिक उपभोग्य बस्तुहरुको मूल्य बृद्धि गरिएको हो । दक्षिण ललितपुरको सदरमुकामको रुपमा परिचित चापाँगाँउमा उपभोग्यबस्तूहरुको मूल्य बृद्धि गरिदा मध्य तथा दक्षिण ललितपुरका उपभोक्ता मर्कामा परेका छन् ।
पछिल्ला दिनमा दाल चामल चाउचाउलगायतका खाद्यान्नमा ५ देखि १० प्रतिशतसम्म मूल्य बढाइएको चापागाँउमा खुद्रा व्यापार गर्ने व्यापारीले बताए । उनले भने, ‘५ सय ३० रुपैयाँमा पाउने एक बाकस चाउचाउ अहिले ५ सय ५० रुपैयाँको विल काटिएको छ । यस्ता सबैजसो सामानमा मूल्य बृद्धि गरिएको छ ।’
उनका अनुसार दाल,चामल,चिउरा,अण्डा, चिनीलगायतको सामानमा पहिलेभन्दा केही मूल्य बढाइएको छ ।
प्रशासनले विहान ९ बजेसम्म पसल खोल्न अनुमती दिएपछि आम्दानी बढाउन व्यापारी आफैले मोल बढाएको उनले आरोप लगाए ।
चापागाँउमा होलसेल व्यापार गर्ने एक व्यापारी भने आफूहरुले विलमा अंकित मूल्य अनुसार नै सामान सामान बिक्रि गर्ने गरेको दावी गरे । उनले भने, हामीले बजारमा बेच्दा २० प्रतिशतसम्म मोल बढाएर बेच्न पाउछौं । तर हामी एक दुई प्रतिशत थपेर बेच्छौं । बजार अनुगमन आउँदा हामीलाई केही अप्ठ्यारो छैन । विल देखाएर प्रमाणित गर्न सक्छौं ।
निषेधाज्ञापछि कल कारखाना नचल्दा बजारमा सामान अभाव भएको र मूल्यबद्धि भएको व्यापारीहरु बताउदै आएका छन् । पछिल्लो समय निषेधाज्ञामा सामान ल्याउन कठीनाई हुदा पछि मोल बढेको उनीहरुको भनाई छ ।
नाम नबताउने शर्तमा अर्का व्यापारीले भने,कालोबजारीमा संलग्न डिलरहरु हुन् । यो प्रतिश्पर्धामा हामीले मोल बढाउन सक्दैनौं । डिलरलाई कसैले छुदैन ।
यहाँका व्यापारीहरु उपभोक्ताहरु नै निषेधाज्ञापछि सामान अभाव हुने भन्दै घरमा थुपार्न व्यव्सत रहेको आरोप लगाउछन् । उनीहरुका अनुसार पछिल्लो समय तुलनात्मक रुपमा धेरै सामान किन्ने उपभोक्ताहरुका कारण सामानको अभाव भएको हो ।
ललितपुरको बजारमा चुरोटको कृतिम अभाव
२६ वैशाख ०७८, ललितपुर । निषेधाज्ञापछि ललितपुरको बजारमा चुरोटको चरम अभाव देखिएको छ ।
निषेधाज्ञापछि चुरोट बजारमा बिक्रि वितरणका लागि सेल्सम्यानलाई अनुमती नहुँदा बजारमा चुरोटको अभाव भएको चापागाँउस्थित एक होलसेलका व्यापारीले बताए । भने, हामी कहिले काँही खाध्यान्नसँग मिसाएर ल्याउने गर्छौं । पुरानो स्टक भएको बेचेको हो । अव पाउनै छाडिसक्यो ।
चापागाँउका होलसेल व्यापारीहरु सधै सामान किन्ने किराना पसललाई मात्रै चुरोट बेच्ने गरेको एक किराना व्यापारीले आरोप लगाए । उनले भने, यहाँका होलसेल व्यापारी नै चुरोट लुकाएर कृतिम अभाव श्रृजना गरिरहेका छन् ।
चापागाँउमै किराना व्यापार सञ्चालन गर्ने व्यापारीका अनुसार चुरोटको अभावका कारण होलसेल व्यापारीले पसलहरुलाई चुरोट दिन छोडेको बताउछन् । भन्छन्, होलसेलहरु नै आजकल खुद्रा चुरोट बेच्छन् । होलसेल दिदैनन् ।
चापागाँउस्थित अर्का होलसेल व्यापारी
प्रतिक्रिया