बनेपामा कोरोना अस्पताल

काभ्रेपलाञ्चोकको बनेपा नगरपालिका १० जनगालस्थित बनेपा नगरपालिकाको स्वीकृतिमा सञ्चालन भएकोे भोमि कोभिड समर्पित अस्पतालको आइतवार उदघाटनपछि अनुगमन गर्दै बनेपा नगरपालिका पमुख लक्ष्मी नरसिंह बादे श्रेष्ठ र काभ्रेपलाञ्चोक जिल्लाका प्रमुख जिल्ला अधिकारी शिवराम पोखरेल लगायत । तस्वीर : पेमा लामा\रासस

३ जेठ ०७८, बनेपा । काभ्रेपलाञ्चोकको बनेपा नगरपालिका १० जनगालस्थित भोमी अस्पताललाई कोरोना समर्पित (डेडिकेटेड) अस्पताल बनाइएको छ । नगरपालिकाका प्रमुख लक्ष्मी नरसिंहवादे श्रेष्ठले यस अस्पतालको कोरोना उपचार सेवाको उद्घाटन गरेका छन् ।
नगरपालिकाको स्वीकृतिमा सञ्चालित १५ श्ययाको यो अस्पतालसँग सम्झौता गरी कोरोनाबाट सङ्क्रमित विरामीको उपचारको लागि व्यवस्था मिलाएको छ ।
नगरपालिकाले चार शैयाको आइसियू र छ शैयाको अक्सिजन सुविधासहित गरी दश शैया नगरपालिकालाई कोरोना विरामी उपचारको लागि जिम्मा दिनुपर्ने सम्झौता गरेको छ । अस्पतालका प्रबन्ध निर्देशक सगुन कायस्थले जिल्लामा विरामीको उपचारमा थप सहजता प्रदान गर्नको लागि बनेपामा नै अस्पताल सञ्चालन गरिएको बताए ।