उपत्यकामा निषेधाज्ञा एक साता थप, खाद्यान्न पसल पनि खोल्न नपाइने

११ जेठ ०७८, ललितपुर । काठमाडौं उपत्यकामा एकसाता निषेधाज्ञा थप गरिएको छ । संक्रमण दर नघटेको भन्दै उपत्यकाका तीन वटै जिल्लाका प्रमुख जिल्ला अधिकारीको मंगलबार बसेको बैठकले एकसाता निषेधाज्ञा थप्ने निर्णय गरेको हो ।
निषेधाज्ञामा थप कडाइ गरिनुका साथै  खाद्यान्नका पसल एक साता पूर्ण ठप्प गर्ने निर्णय भएको छ ।
यसबाहेक सवारी साधनको हकमा पनि कडाइ गरिनेछ । बैंक वित्तीय संस्थाको हकमा पनि थप कडाइ गरिनेछ ।

काठमाडौं उपत्यकामा थपिएको निषेधाज्ञा जेठ १३ गते सकिँदैछ ।