कीर्तिपुरमा चिरपट प्रहार गरी पुरूषको हत्या, पाँच पक्राउ

११ जेठ ०७८, ललितपुर । काठमाडौं कीर्तिपुरमा एक पुरूषको हत्या भएको छ।

गत शनिबार राति ११ बजे कीर्तिपुर नगरपालिका वडा नम्बर ५ स्थित एक गलैंचा फ्याक्ट्रीमा काम गर्ने एक पुरूषको हत्या भएको हो। मृत्यु हुनेमा मकवानपुर बकैया गाउँपालिका वडा नम्बर १ घर भई सोही गोदाममा बस्ने मानबहादुर घिसिङ (तामाङ) छन्।

हत्या आरोपमा पाँच जनालाई पक्राउ गरेको छ । महानगरीय प्रहरी वृत्त कीर्तिपुरका

अनुसार मापसे गरेर पछि घिसिङमाथि कुटपिट गरी हत्या गरिएको खुल्न आएको छ ।

उनको टाउकोमा चिरपटले हिर्काएपछि उनी गम्भीर घाइते भएका थिए। घाइते भएपछि उनको उपचारको लागि कीर्तिपुर अस्पताल लगिएको थियो । र अस्पतालले मृत घोषणा गरेको थियो।

पक्राउ पर्नेमा सोही ठाउँका भगत बल, क्षेत्र बल, भगतबहादुर बल, विरू गोले र विशाल मोक्तान छन्। उनीहरूलाई सोही रात पक्राउ गरी थप अनुसन्धान अघि बढाएको छ ।