ललितपुरको लुभु र काठमाडौंको ओमबहालमा २ जना मृत फेला

१४ जेठ ०७८, काठमाडौं । ललितपुरको लुभु र काठमाडौंको ओमबहालमा २ जना मृत अवस्थामा फेला परेका छन् ।
प्रहरीका अनुसार काठमाडौं महानगरपालिका २३ ओम वहाल नजिकै डेरा गरी बस्ने भारत बिहार सिपोल घर भएका ६८ वर्षीय छेडी मण्डल आफ्नै कोठामा बिहीबार मृत अवस्था फेला परेका हुन् ।
साथै महालक्ष्मी नगरपालिका लुभु लामाटार डेरा गरी बस्ने कैलाली गौरीगंगा नगरपालिका १ घर भएका २२ वर्षीय गौरब बराल पनि आफ्नै कोठामा शुक्रबार मृत अवस्थामा फेला परेको प्रहरीले जानकारी दिएको छ ।
उनीहरुका सम्बन्धमा प्रहरीले आवश्यक अनुसन्धान सुरु गरेको जानकारी दिएको छ ।