१९ जेठ ०७८, ललितपुर । नख्खु कारागार कार्यालयमा मंगलबार करिव चार सय जनाले कोरोनाविरुद्धको खोप लगाएका छन् । कारागारमा रहेका बन्दीहरु र त्यहाँ कार्यरत सुरक्षाकर्मी तथा कर्मचारी गरी ३८४ जनाले चिनिया खोप भेरोसेल लगाएको नख्खु कारागारका प्रमुख जेलर चिरन्जीवि गिरीले मध्यान्हलाई जानकारी दिए ।,
खोप लगाउनेहरु मध्यो कतिपयले पहिलो डोज र केहिले दोश्रो डोज खोप लगाएका थिए । त्यहाँ रहेका एक विदेशी बन्दीले भने खोप लगाउन नचाहेको बताइएको छ । नख्खु कारागारमा ८ जना कोरोना संक्रमित छन् भने एक जनाको संक्रमण निको भैसकेको छ ।
प्रतिक्रिया