बौद्ध टाउन प्लानिङमा बोराभित्र वयस्क व्यक्तिको एउटा खुट्टा मात्र फेला

२५ जेठ ०७८, काठमाडौं । काठमाडौं बौद्धको टाउन प्लानिङमा भेटिएको बोराभित्र वयस्क व्यक्तिको एउटा खुट्टा फेला परेको छ ।

सुरुमा शव फेला परेको भनिए पनि प्रहरी टोलीले बोरा खोलेर हेर्दा त्यसभित्र घुँडादेखि मुनिको एउटा खुट्टा फेला परेको हो ।

घटनास्थलमा काठमाडौं प्रहरी परिसर प्रमुख एसएसपी अशोक सिंह र त्रिवि शिक्षण अस्पताल महाराजगञ्जका फरेन्सिक डाक्टरसमेत पुगेका थिए । फरेन्सिक डाक्टरले कुनै व्यक्तिको शरीरबाट दुई–तीन हप्ता अगाडि नै खुट्टा अलग गरिएको हुनसक्ने बताएका छन् ।