वालाजु सडकमा सुनको सिक्री लुटपाट, युवक पक्राउ

२९ जेठ ०७८, काठमाडौं । काठमाडौंको वालाजु सडकमा ए कहिलाको सुनको सिक्री लुटपाट भएको छ । काठमाडौं महानगरपालिका १६ बालाजुस्थित सडकमा पैदल हिंडिरहेकी २८ वर्षीया महिलाको पौने एक तोलाको सुनको सिक्री लुटपाट गरेको अभियोगमा काठमाडौं पकनाजोल बस्ने प्युठान झिमरुक गाउँपालिका १ घर भएका २८ वर्षीय नविन थापालाई शनिबार बिहान प्रहरीले पक्राउ गरेको छ ।
थापाले सुनको सिक्री लुटपाट गरी फरार भएको खबर प्राप्त हुनासाथ महानगरीय प्रहरी वृत्त बालाजुबाट खटिएको प्रहरीले काठमाडौं महानगरपालिका १६ चमती बिनायक बस्तीबाट उनलाई चोरीको सिक्री सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेका जानकारी दिएकोे छ ।