धादिङ्गमा गाडी गुडिरहेकै अवस्थामा पहिरो, २ जनाको मृत्यु,आधा दर्जन घाइते

१९ असार ०७८, काठमाडौं । शुक्रबार राजधानबिाट तराई जाने पृथ्वी राजमार्गअन्र्तगत धादिङको बेनीघाट खण्डखण्डमा पहिरो आएपछि पाँच वटा गाडीहरु पुरिएका छन् भने दुई जनाको मृत्यु भएको छ । प्रहरीका अनुसार पहिरोले पुरिएपछि ६ जना घाइते भएका छन् ।
प्रहरीका अनुसार चितवनको राप्ती नगरपालिका ६ बस्ने अन्दाजी १८ वर्षीय बिरबल प्रजा र ४३ वर्षीया भारतीय नागरिक सोनी देवीको मृत्यु भएको हो ।
पहिरोमा पीएन २८ एए ०१२० नम्बरको ट्रक, बा १ ग २८३१ नम्बरको ट्रक बा १२ च ७१५६ नम्बरको म्याजिक भ्यान, ना ७ ख ३२० नम्बरको कन्टेनर, र ना ८ ख ४५४० नम्बरको ट्रक पुरिएको धादिङ प्रहरीले जनाएको छ ।
इलाका प्रहरी कार्यालय गजुरी र इलाका प्रहरी कार्यालय बेनीघाटबाट डिएसपीको कमाण्डमा प्रहरी परिचालनपछि मृतक तथा घाइतेको उद्दार तथा खोजी भइरहेको प्रहरीको भनाई छ ।