कुलेखानी भरिदै गएपछि नदि किनारामा सर्तक रहन आग्रह

२० असार ०७८, काठमाडौं ।  मकवानपुरस्थित कुलेखानी जनविद्युत् आयोजनाका लागि मानव निर्मित इन्द्र सरोवर भरिदै गएपछि नदि वरपरका तटिय क्षेत्रका बासिन्दालाई सर्तक रहन आग्रह गरिएको छ ।
इन्द्र सरोवरबाट बग्ने पानी मकवापुरको फाखेलनजिकै रहेको सिस्नेरी,इपा,ठिङ्गन, ललितपुरको माल्टा,प्युटार, आश्राङ,गिम्दी, ठुलादुर्लुङ हुँदै काभ्रे र मकवापुरतर्फ अघि बढ्छ ।
पछिल्लो समय निरञ्तर पानी परिरहेको र इन्द्र सरोवरका सतह बढ्दै गएको पछि ढोका खोल्नु पर्ने अवस्था आउन सक्ने बताइएको छ ।
नेपाल विद्युत् प्राधिकरणका प्रवक्ता मन्दन तिम्सिनाका अनुसार कुलेखानीमा पानीको सतह असार गएको १६ गते बिहान ८ बजे १५०३.४१ मिटर, १६ गते बिहान ६ बजे १५१०.६६ मिटर, १८ गते बेलुका ८ बजे १५१२.६१ मिटर र आज १९ गते दिउँसो १ बजे १५१८.३५ मापन गरिएको थियो । कुलेखानीमा जलस्तरको माथिल्लो क्षमता १५३० मिटर हो । त्यो भन्दा बढ्न जाँदा जोखिम बढ्ने हुँदा ढोका खोल्ने गरिन्छ ।
पानी निरन्तर परिरहेको हुँदा अहिले कुलेखानी जलविद्युत् आयोजना पूर्ण रुपमा सञ्चालन गरिरहेकोबाट पुर्ण क्षमतामा विद्युत उत्पादन गरिएको प्राधिकरणले जनाएको छ । यसरी नै जलस्तर बढदै गयो भने १५३०.० मी पुग्नु अघि इन्द्र सरोवरको ढोका खोलेर पानी निकास दिनु पर्ने अवस्था आउने प्राधिकरणको भनाई छ । यस इन्द्र सरोवरको पानीले कुलेखानी पहिलो, दोस्रो र तेस्रो पावरहाउसबाट १०६ मेगावाट विद्युत उत्पादन भइरहेको छ ।
प्राधिकरणले यो जलविद्युत् बर्षामा पानी जम्मा गरेर हिउँस याममा पानी कम भएको मौका पारेर चलाउने गरेको छ । कुलेखानी जलविद्युत आयोजना नेपालकै पहिलो र एक मात्र जलाशययुक्त विद्युत आयोजना हो ।