२० असार ०७८, ललितपुर । ललितपुर भैसेपाटीका युवा लागू औषध सहित पक्राउ परेका छन् ।
प्रहरीका अनुसार ललितपुर महानगर १८ एक्लेडाँडामा लागु औषध खरिद बिक्री भइरहेको सुचनाको आधारमा प्रहरी टोली पुगेर यसै स्थानमा बस्ने धिरज लामाको घर खानतलासी गरेको थियो ।
प्रहरीले उनकोे घरमा शंका लागीघरकोठा खानतलासी गर्दा लागुऔषध नुफिन एम्पल ९४ थान, फेनारगन एम्पल १०६ थान, डाईजापाम एम्पल १११ थान र नाईट्राभेट ट्याव्लेट ५० पत्ता जम्मा ७५० ट्याब्लेट लुकाई छिपाई राखेको अवस्थामा फेला पारेको थियो । साथै उनको कोठाबाट लागू औषध विक्रि पछि जम्मा गरेको बत्तिस हजार तिन सय नब्बे रुपैयाँ फेला परेको बताएको छ ।
लामालाई पक्राउ गरिएसँगै लागू औषध र नगद बरामदपछि प्रहरीले अनुसन्धन सुरु गरेको जानकारी दिएको छ ।
प्रतिक्रिया