२२ असार ०७८, काठमाडौं । ललितपुरको गोदावरी नगरपालिका ७ देविचौर बुरुञ्चुली बस्ने १० वर्षीय जाकेस तामाङको करेन्ट लागेर सोमबार दिउँसो मृत्यु भएको छ ।
यसै ठाउँस्थित बुरुङचुली खोलामा पौडी खेल्न गएका जाकेस लगायत २ जना व्यक्तिहरु पोलबाट लत्रिएर पानीमा खसेको विजुलीको तारबाट करेन्ट लागेको प्रहरीले जानकारी दिएको छ । उनीहरु अशक्त भएको भन्ने खबर प्राप्त हुनासाथ महानगरीय प्रहरी बृत्त चापागाउँबाट खटिएको प्रहरीले उपचारका लागि गोदावरी नगरपालिका ६ आन्नद बन अस्पताल टिकाभैरब पठाएकोमा उपचारको क्रममा जाकेसको मृत्यु भएको हो ।
घाइते बबि तामाङको यसै अस्पतालमा उपचारपछि घर फर्किएको गोदावरी ७का वडासदस्य मान बहादुर तामाङले जानकारी दिए । उनको अवस्ता अवस्था तामाङका अनुसार सामान्य छ ।
तामाङको शव पोष्ट मार्टमका लागि पाटन अस्पताल लगिएको छ । पोलबाट लत्रेको तार उठाउन स्थानीयबासीहरुले पटक पटक ध्यानाकर्षण गरेको भए पनि सम्बिन्धित निकायबाट सुनुवाई नभएको एक स्थानीयले बताए ।
प्रतिक्रिया