काठमाडौंमा २ जना मृत फेला

२५ असार ०७८, काठमाडौं । काठमाडौंको नागार्जुन र सिनामंगलमा दुई जना मृत अवस्थामा फेला परेका छन् ।
प्रहरीका अनुसार काठमाडौं नागार्जुन नगरपालिका ६ जयन्तीगाँउस्थित जंगल भित्रको कुलेसोमा यसै नगरपालिका ६ कसाई चोक बस्ने २३ वर्षीया सुष्मिता शाही बिहीबार मृत अवस्थामा फेला परेकी छन् ।
साथै काठमाडौं महानगरपालिका ९ सिनामंगल शम्भुमार्गस्थित श्री दुर्गा लक्ष्मी गेष्ट हाउसमा धनुषा गणेशमान चारनाथ नगरपालिका ४ घर भएका ४० वर्षीय संजय कुमार जैसवाल बिहीबार मृत अवस्थामा फेला परेको प्ररहीले जानकारी दिएको छ ।
यस सम्बन्धमा प्रहरीले अनुसन्धान गरिरहेको जानकारी दिएको छ ।