ललितपुरकी सासंद भुसाललाई ऊर्जा मन्त्रालयको जिम्मा

विसं २०१९ साउन ४ गते अर्घाखाँचीमा जन्मिएकी भुसाल ललितपुर क्षेत्र नं ३ बाट विसं २०७४ मा भएको प्रतिनिधिसभा निर्वाचनमा प्रत्यक्ष निर्वाचित सांसद हुन् । यसअघि विसं २०६४ मा संविधानसभा सदस्य निर्वाचित भएकी थिइन् । उनी तत्कालीन संयुक्त जनमोर्चा नेपालको महासचिव र अध्यक्ष भएकी थिइन् । विसं २०३३ मा अनेरास्ववियु छैटौँको सदस्यता लिई राजनीतिक जीवन शुरुआत गरेकी भुसाल नेकपा (माओवादी केन्द्र) को प्रभावशाली नेत्री हुन् । माओवादी केन्द्रको स्थायी समिति सदस्य रहेकी नेत्री भुसालको विशेष रुची अर्थतन्त्र र विकासमा छ ।