भक्तपुरको नगरकोटमा तास खेल्ने ५ जना पक्राउ

२ साउन ०७८, काठमाडौं । भक्तपुरको नगरकोटमा तास खेलिरहेको अवस्थामा ५ जना पक्राउ परेका छन् । प्रहरीका अनुसार भक्तपुर चाँगुनारायण नगरपालिका ६ नगरकोट बस्ने ४१ वर्षीय विरस तामाङको घरमा तास खेलिरहेको अवस्थामा तामाङ लगायत ५ जनालाई शुक्रबार दिउँसो प्रहरीले पक्राउ गरेको हो ।
घरमा तास खेलिरहेकोे भन्ने सूचना प्राप्त हुनासाथ महानगरीय प्रहरी प्रभाग नगरकोटबाट खटिएको प्रहरीले उनीहरूलाई नगद ३१ हजार ७ सय ६० रुपैयाँ र ९ बुक तास सहित पक्राउ गरेको प्रहरीले बताएको छ ।