अनामनगरमा दिउँसै चोरी, चोर खोज्दै प्रहरी

२ साउन ०७८,काठमाडौं । काठमाडौंको अनामनगरस्थित एक घरमा दिउँसै चोरी भएको छ । काठमाडौं महानगरपालिका २९ अनामनगर शान्ति गल्ली डेरा गरी बस्ने दैलेख डुङ्गेश्वर गाउँपालिका ३ घर भएका ३५ वर्षीय तिर्थराज न्यौपानेको कोठाबाट चोरी भएको प्रहरीले जानकारी दिएको छ । त्यस कोठाबाट सुनका विभिन्न गरगहना र नगद ७ हजार रुपैयाँ समेत गरी करिब ५ लाख ५४ हजार ५ सय ५० रुपैयाँ बराबरको धनमाल शुक्रबार दिउँसो चोरी भएको प्रहरीको भनाई छ ।
चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।