भक्तपुरबाट प्रहरीलाई हातपात गरेको अभियोगमा युवक पक्राउ

३ साउन ०७८, भक्तपुर । प्रहरीलाई कुटपिट गरेको आरोपमा एक जना युवक भक्तपुरबाट पक्राउ परेका छन् । प्रहरीका अनुसार सूर्यबिनायक नगरपालिका ८ जगातीमा ड्युटीमा खटिएको प्रहरीलाई हातपात गरेको अभियोगमा भक्तपुर जगाती बस्ने २७ वर्षीय राजन कवाङलाई शनिबार राति प्रहरीले पक्राउ गरेको छ ।

महानगरीय प्रहरी वृत्त जगातीबाट ड्युटीमा खटिएको प्रहरी कर्मचारीलाई मादक पदार्थ सेवन गरी आएका राजनले सोधपुछको क्रममा हातपात गरेपश्चात उनलाई पक्राउ गरिएको प्रहरीको भनाई छ ।
यस सम्बन्धमा प्रहरीले थप अनुसन्धान गरिरहेको बताएको छ ।