ललितपुरमा आजबाट ४५ बर्ष माथिकालाई कोरोना खोप

ललितपुर खबर
१५ साउन ०७८, ललितपुर । ललितपुरमा आजबाट ४५ वर्ष माथिका उमेर समूहलाई कोरोना खोप लगाइने भएको छ । चीनबाट ल्याइएको भेरोसेल खोप लगाउने कार्यक्रम रहेको महानगरद्वारा जारी सुचनामा जनाइएको छ । महानगरका अनुसार नगरका २९ वटै वडामा खाप लगाउने कार्यक्रम राखिएको छ । खोप १७ गतेसम्म संचालन हुनेछ भने १८ गते कोभ्यासमार्फत प्राप्त अमेरिकी खोप जोन्सन एण्ड जोन्सनका खोप लगाइने कार्यतालिका छ ।
गोदावरी नगरपालिकामा भने आज (साउन १५ गते) र भोली ५० वर्षमाथिका उमे समूहलाई खोप लगाउने कार्यक्रम छ । विद्यालयका शिक्षक, कर्मचारी,सार्वजनिक यातयातका चालक र सहचालक, अपाङ्ग। अशक्त, विदेश जाने नागरिक र अत्यावश्यक सेवामा काम गर्नेहरुले परिचयपत्रका साथ उपस्थित हुन नगरपालिकाले आह्वान गरेको छ ।
कोज्योसोम गाँउपालिकामा साउन १७ र १८ गते खोप लगाउने कार्यक्रम राखिएको छ ।
महालक्ष्मी नगरपालिकाले अने विहीबारबाट खोप कार्यक्रम सञ्चालन गरिसकेको छ । नगरपालिकाले आजसम्म कोरोना खोप कार्यक्रम सञ्चालन गर्ने भएको छ ।