ललितपुरमा आज पनि विद्युत अवरुद्ध

१९ साउन ०७८, ललितपुर । ललितपुरमा आज पनि विद्युत अवरुद्ध हुने भएको छ । नेपाल विद्युत् प्राधिकरण लगनखेलका अनुसार ललितपुर महानगरको कर्मनाशा खोला हात्तिवन सडक किनारको पोल सिफ्ट गर्न आज मंगलबार बिहान ११ बजे देखि ०५ बजेसम्म दिएको छ ।
कर्मनाशा पुल नजिक रहेको ब्लेड स्विच काटि काम गर्नुपर्ने भएकोले हरिसिद्धि खरिबोट हात्तिवन लगायत स्थानमा विद्युत आपुर्ती आंशिक रुपमा बन्द रहने जानकारी प्राधिकरणले दिएको छ । काम निर्धारित समय अगाडि नै सकिए चाडैै लाइन सुचारु हुन सक्ने समेत जानकारी दिएको छ ।
साथै हरिसिद्धि फिडरको लोड गोदावरी फिडर तथा रेडियो नेपाल फिडरमा सिफ्ट गरि बैकल्पिक बिधुत आपूर्तिको व्यवस्थाको काम भइरहेको प्राधिकरणको भनाई छ ।