चौमतीमा महिलाको हत्या, श्रीमान पक्राउ

२० साउन ०७८,काठमाडौँ । काठमाडौं चौमतीमा एक महिलाको हत्या भएको छ । खोटाङ घर भई काठमाडौं महानगरपालिका वडा नम्बर १६ चौमती बस्ने २८ वर्षीया बबिता राईको सोमबार मध्यराति हत्या भएको हो ।
हत्या गरेको आरोपमा प्रहरीले नुवाकोट तादी गाउँपालिका वडा नम्बर २ सातबिसेका ३३ वर्षीय उनका श्रीमान रामेश्वर गोतामेलाई बुधबार बिहान पक्राउ गरेको छ ।
रामेश्वरले आफ्नै श्रीमतीको हत्या गरेको भन्ने स्थानीयबाट खबर पाएपछि महानगरीय प्रहरी वृत्त बालाजुबाट खटिएको प्रहरीले उनलाई पक्राउ गरेको हो ।
घटनाको थप अनुसन्धान भइरहेको प्रहरीले जनाएको छ ।