काठमाडौंको बौद्धमा एटिएम मेशिन फुटाउँदै गरेको अवस्थामा १ जना पक्राउ

२१ साउन ०७८, काठमाडौं । बौद्धमा मध्यराती एटिएम मेसिन फुटाउदै गरेको अवस्थामा पक्राउ गरेका छ । प्रहरीका अनुसार काठमाडौं महानगरपालिका ६ बौद्ध टुसालस्थित एनआईसी एसिया बैंङकको एटिएम मेशिन फुटाउँदै गरेको अवस्थामा उनलाई पक्राउ गरेको हो । उनी गोकर्णेश्वर नगरपालिका ६ नारायणटार बस्ने सिन्धुपाल्चोक मेलम्ची नगरपालिका १ भोटेचौर घर भएका ३४ वर्षीय बिनोद चौलागाई रहेको प्रहरीको भनाई छ ।
उनलाई रातिको साढे १ बजेको समयमा एटिएम फुटाउँदै गरेको अवस्थामा फेला पारी महानगरीय प्रहरी वृत्त बौद्धबाट खटिएको प्रहरीले उनलाई पक्राउ गरिएको बताइएको छ ।
यस सम्बन्धमा प्रहरीले थप अनुसन्धान गरिरहेको जानकारी दिएको छ ।