सिंहदरवारभित्र दुर्घटना, युवकको मृत्यु,एक पक्राउ

२७ साउन ०७८,काठमाडौं । मंगलबार राती सिंहदरवारभित्र दुर्घटनापछि एकयुवकको मृत्यु भएको छ ।
प्रहरीका अनुसार मंगलबार राति काठमाडौं महानगरपालिका २९ सिंहदरबारभित्र निर्माणाधीन संसद भवनमा नजिकै दुर्घटना भएको हो । संसद भवन निर्माणका सामाग्री बोकेर रोकी राखेको प्रदेश न.३–०१–००६ ख ०७९७ नम्बरको टिपरमा बा.२ ब ७५८९ नम्बरको स्कुटर ठोक्किएर दुर्घटना हुँदा स्कुटर चालक काठमाडौं सामाखुसी बस्ने सुर्खेत घर भएका २९ वर्षीय सन्देश बुढाथोकीको मृत्यु भएको हो । दुर्घटनामा गम्भीर घाइते भएका बुढाथोकीको सिभील अस्पताल नयाँ बानेश्वरमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएर कारवाही प्रकृया सुरु गरिएको प्रहरीको भनाई छ ।