भक्तपुरमा दुई पत्रकार सम्मानित

३२ साउन ०७८,भक्तपुर । भक्तपुरका दुईजना पत्रकार सम्मानित भएका छन् ।
स्वतन्त्र पत्रकार सङ्घ भक्तपुरले आज सोमबार आयोजना गरेको सम्मान कार्यक्रममा पत्रकार डा. इन्दुल केसी र कृष्ण प्रजापति सम्मानित भएका हुन् ।
डा केसी २०१५ सालदेखि तत्कालीन नेपाल संवाद समिति हालको राष्ट्रिय समाचार समितिमा आबद्ध भई पत्रकारिता सुरु गरेको र प्रजापति पनि दुई दशकभन्दा बढी समयदेखि पत्रकारिता क्षेत्रमै क्रियाशील रहेको छन् । स्वतन्त्र पत्रकार सङ्घ केन्द्रीय समितिका वरिष्ठ उपाध्यक्ष केवी सम्राटले उनीहरुलाई सम्मानपत्रद्वारा सम्मान गरेका हुन् ।
सङ्घको आगामी राष्ट्रिय अधिवेशन भदौ १८ र १९ गते हुने बताइएको छ ।