काठमाडौंको किर्तिपुर र गोकर्णमा २ जना मृत फेला

१३ भदौ ०७८,काठमाडौं । काठमाडौंको किर्तिपुर र गोकर्णमा २ जना मृत अवस्थामा फेला परेका छन् । प्रहरीका आनुसार काठमाडौंको गोकर्णेश्वर नगरपालिका ५ जम्बुडाँडास्थित संजय शाहको कबाडी कारखानामा काम गरी बस्ने बारा ईनरुवा घर भएका ४७ वर्षीय शेशमुखी आलम सुतेको ठाउँमा शुक्रबार मृत अवस्थामा फेला परेका थिए । साथै काठमाडौंको कीर्तिपुर नगरपालिका १० स्थित पाटीमा हाल नाम, थर, वतन नखुलेका अन्दाजी ५५ वर्षीय पुरुष शुक्रबार मृत अवस्थामा भेटिएका छन् ।
उनीहरुको सम्बन्धमा प्रहरीले अनुसन्धान सुरु गरेको जानकारी दिएको छ ।