महालक्ष्मी नगरका मेयर श्रेष्ठले शिक्षकलाई वितरण गरे ल्यापटप

१३ भदौं ०७८, ललितपुर । ललितपुरको लामाटारस्थित सिस्नेरी स्कूलका शिक्षकहरुलाई महालक्ष्मी नगरपालिकाका मेयर रामेश्वर श्रेष्ठले राष्ट्रपति शैक्षिक सुधार कार्यक्रम अन्तरगत शिक्षकलाई ल्यापटप वितरण गरेको छन् । कार्यक्रममा नगरपालिकाको आर्थिक तथा प्राविधिक सहयोगमा सिस्नेरी मा.वि.मा बनेको कक्षाकोठा समेत हस्तान्तरण गरेका छन् ।
कार्यक्रममा बोल्दै मेयर श्रेष्ठले परम्परागत शैलीको शिक्षण सिकाइलाई प्रयोगात्मक र जीवन उपयोगी बनाउन सूचना प्रविधिको प्रयोग गर्ने लक्षय रहेको बताए । उनले डिजिटल क्लासरूमको अवधारणा अनुसारका कक्षाकोठा र विद्यालय व्यवस्थापनमा नगरपालिकाले प्राथमिकताका साथ कार्यक्रमहरू सञ्चालन गर्दै आएको बताए । उनले नवनिर्मित कक्षाकोठा र हस्तान्तरण गरिएका शैक्षिक सामग्रीले विद्यालयको शैक्षिक गुणस्तर वृद्धिमा मद्दत पुग्ने विश्वास व्यक्त गरे।
कार्यक्रममा प्रमुख प्रशासकिय अधिकृत श्री पुरुषोत्तम सापकोटा, प्रमुख शिक्षा अधिकृत चिरन्जिवी पौडेल, वडा न ९ का अध्यक्ष बाशुदेव गौतम, प्रधानाध्यापक चेतनाथ पन्त, अभिभावक, शिक्षक, विद्यार्थी तथा कर्मचारीहरुको उपस्थिति रहेको थियो ।