सुनाकोठी र भिमसेनगोलामा २ जना मृत अवस्थामा फेला

२६ भदौ ०७८, काठमाडौं । ललितपुरको सुनाकोठी र काठमाडौंको भिमसेन गोलामा एक एक जना मृत अवस्थामा फेला परेका छन् । प्रहरीका अनुसार काठमाडौं महानगरपालिका ३१ भिमसेनगोला सुकुम्बासी बस्ती नजिक वागमती खोलामा हाल नाम, थर, वतन नखुलेका पुरुष शुक्रबार मृत अवस्थामा फेला परेका छन् ।
ललितपुर प्रहरीका अनुसार ललितपुर महानगरपालिका २७ सुनाकोठी बस्ने नुवाकोट बेलकोट घर भएकी ४५ वर्षीया कमला तामाङ उनकै कोठामा शुक्रबार मृत अवस्थामा फेला परेकी छन् ।
उनीहरुका सम्बन्धमा प्रहरीले अनुसन्धान गरिरहेको जानकारी प्राप्त भएको छ ।