काठमाडौंको कालिमाटी र भिमसेनगोला नजिकै २ पुरुष मृत फेला

३० भदौ ०७८,काठमाडौं । बुधबार काठमाडौंको कालिमाटी र भिमसेनगोलानजिक एक एक जना पुरुषहरु मृत अवस्थामा फेला परेका छन् ।
प्रहरीका अनुसार काठमाडौं महानगरपालिका १३ कालिमाटी शालिक चोकमा धादिङ महादेवबेसी गाउँपालिका ८ बस्ने ५० वर्षीय राम शरण कुँवर मंगलबार मृत अवस्थामा फेला परेका छन् ।
साथै काठमाडौं महानगरपालिका ३१ पञ्चकुमारी मन्दिर नजिक खाली जग्गामा विग्रिएर पार्किङ गरी राखिएको बा.१ ख ६७६२ नम्बरको गाडीभित्र हाल नाम, थर, वतन नखुलेका करिब ४० वर्षीय पुरुष बुधबार मृत अवस्थामा फेला परेका छन् । उनीहरुका सम्बन्धमा प्रहरीले आवश्यक अनुसन्धान सुरु गरेको बताएको छ ।