दक्षिण ललितपुरको प्युटारमा बस दुर्घटना

ललितपुर खबर
२ असोज ०७८, ललितपुर । दक्षिण ललितपुरको प्युटारस्थित गडी भञ्ज्याङ ओरालेमा शनिबार विहान बा २ ख ६४३४ नम्बरको बस दुर्घटना भएको छ । बसमा चालक बाहेक अरु कोही नहुँदा चालक तथा बसका साहु सन्तलाल पाख्रिन घाइते भएको आश्राङ प्रहरी चौकीका प्रहरीले जानकारी दिएका छ ।
प्रहरी चौकीका अनुसार यो बस शुक्रबारै गिम्दीबाट ल्याएर गढी भञ्ज्याङ्गमा राखिएको थियो । गढी भञ्ज्याङ्गमा बस ल्याउने क्रममा विग्रेपछि शनिबार विहान मित्रीले बनाएका थिए । बस स्टार्ट गर्न खोज्दा काम नगरेपछि ओरालोमा चालक पाख्रिनले गुडाएर स्टार्ट गर्न खोज्दा ब्रेकले काम नगर्दा गाडी दुर्घटनामा भएको प्रहरी चौकीले जानकारी दिएको छ ।
दुर्घटनापछि चालक पाख्रिनलाई भट्टेडाँडा अस्पताल लगिएको छ । उनको अवस्था गम्भिर भने नरहेको एक प्रहरीले ललितपुर खबरलाई बताए ।