ललितपुर खबर
१४ असोज ०७८, गोदावरी ललितपुर । ललितपुरको पर्यटकीय क्षेत्र गोदावरीमा नवनिर्मित भव्य सनराइज अन्र्तराष्ट्रिय सम्मेलन केन्द्र अगाडि वसपार्कमा झुपडी नै झुपडी छन् । वसपार्कको सार्वनिक जग्गामा रहेका यी झपडीमा स्थानीयले पसल राख्दै आएका छन् ।
बुधबार एमाले विद्यान महाधिवेशन स्थल निरिक्षण गर्न आएका एक नेताले विदेश पाहुना आउने अन्र्तराष्ट्रिय सम्मेलन केन्द्र अगाडि झपडी राखिनु लाजमर्दो भएको भन्दै हटाउनुपर्ने बताए ।
गोदावरी वसपार्कका पुराना टहरा हटाएर नयाँ बनाउने तयारी भएको गोदावरीमै पसल राखेर बसेका विजय लामाले बताए । उनले गोदावरी नगरपालिका पुगेर नयाँ भवन बनाउन निवेदन दिइको बताए । यस ठाँउमा २७ वटा पसल रहेको उनले बताए ।
गोदावरीस्थित खानेपानी आयोजनाको कार्यक्रममा आएको बेला मेयर आफै आएर आफूहरुलाई निवेदन दिन लगाएको स्थानीय व्यापारी अर्जुन मगरले बताए ।
स्थानीय व्यापारी मगर नगरपालिकाले बजार व्यवस्थित गर्न लागेकोमा खुशी हुँदै भने अहिले हामीलाई टहरामा रातीसामान छोड्न डर छ । टहरामा ढोका झ्याल छैन । बर्षामा पानी चुहिन्छ । हिउदमा धामले पोल्छ ।उनले २२ वर्षदेखि पसल राखेको बताउछन् । उनका अनुसार यहाँ वर्षै अद्दि धेरै टहरा थिए । तत्कालिन गाविस रहेको बेला बन क्षेत्रमा बनाइएको भन्दै भत्काइएको थियो ।
गोदावरी नगरका एक कर्मचारीलेयस ठाँउबाट २७ जनाले पसल राख्न पाउ भन्दै निवेदन दिएको बताए । नगरपालिकाले सार्न मिल्ने गाढा राख्ने विषयमा योजना बनाइरहेको उनको भनाई छ । स्थानीयसँगको साझेदारीमा व्यवस्थित र आर्कषक टहरा बनाउने भन्ने छलफल पनि चलिरहेको छ ।
यस ठाँउमा पसलहरु नभए धेरै लुटपाट हुने लामा बताउछन् । उनका अनुसार केही बर्ष अघिसम्म गोदावरीको एकान्ततिर धेरै लुटपाट हुने बताए । उनका अनुसार वसपार्क क्षेत्रमा प्रहरी विट नहुँदा समस्या परेको हो ।
सेन्ट जेभियर्स स्कूलले उपभोग गरिरहेको यो जग्गामा बर्षैदेखि पसल सञ्चालन गरिरहेका छन् ।
प्रतिक्रिया