काठमाडौंबाट विहानै सुनको सिक्रि लुटपाट,३ जना पक्राउ

१५ असोज ०७८, काठमाडौं । काठमाडौंको सरकारीधाराबाट विहानै सुनको सिक्रि लुटपाट भएको छ ।
प्रहरीका अनुसार काठमाडौं महानगरपालिका २६ सरकारी धारा बस्ने गोरखा अजिरकोट गाउँपालिका ४ घर भएका २६ वर्षीय अजय रेग्मीको १.५ तोलाको सुनको सिक्री र नगद ८ हजार रुपैयाँ टोखा नगरपालिका ९ गोँगबु शिवमन्दिर नजिकबाट बिहीबार बिहान लुटपाट भएको हो ।
उनले घाँटीमा लगाएको सुनको सिक्री र नगद अपरिचित ३ जनाले लुटी फरार भएको खबरपछि महानगरीय प्रहरी प्रभाग गोंगबुबाट खटिएको प्रहरीले खोजी गर्ने क्रममा शंकास्पद ३ जनालाई नियन्त्रणमा लिएको बताएको छ ।
घटनाका सम्बन्धमा थप अनुसन्धान गरिरहेको प्रहरीले जानकारी दिएको छ ।