बल्खुमा दुर्घटना, गोदावरीका जोशीको मृत्यु, भण्डारी अस्पताल भर्ना

१६ असोज ०७८, काठमाडौं । काठमाडौंको बल्खुमा शनिबार दुर्घटना हुदा गोदावरी १२ का एक युवकको मृत्यु भएको छ । प्रहरीका अनुसार काठमाडौं महानगरपालिका १४ बल्खुमा बा.३ ख ९३६९ नम्बरको मिनीट्रकले बा.८८प २२१ नम्बरको मोटरसाइकललाई शनिबार बिहान ठक्कर दिँदा मोटरसाइकलमा सवार काठमाडौं सितापाईला बस्ने कैलाली गोदावरी नगरपालिका १२ घर भएका २७ वर्षीय चेत राज जोसीको मृत्यु भएको छ ।
दुर्घटनामा गम्भीर घाइते भएका उनको बल्खुस्थित बयोधा अस्पतालमा उपचारको क्रममा मृत्यु भएको हो । दुर्घटनामा घाइते भएका मोटरसाइकल चालक काठमाडौं सितापाईला बस्ने २२ वर्षीय ईश्वर भण्डारीको बयोधा अस्पतालमा उपचार भइरहेको छ । ट्रक चालकलाई प्रहरीले नियन्त्रणमा लिएको जानकारी दिएको छ ।