ललितपुरको चापागाँउ बजारमा प्रशासनको अनुगमनपछि कारवाही

ललितपुर खबर
१९ असोज ०७८, चापागाँउ । जिल्ला प्रशासन कार्यालयले ललितपुरको चापागाँउ बजारको अनुगमनपछि कारवाही गरेको छ ।
सहायक जिल्ला प्रमुख ललितकुमार बस्नेतका अनुसार घरेलु तथा साना उद्योग,उद्योग वाणिज्य संघ ललितपुर,उपभोक्ता मञ्च, स्थानीय तहका प्रतिनिधिलगायतको सहभागीतामा सोमबार गरिएको अनुगमनका क्रममा चापागाँउका २ वटा पसललाई कारवाही गरिएको हो । बस्नेतका अनुसार चापागाँउको कृष्ण स्टोरले मूल्य सूचि नराखेको र नापतौल प्रमाण पत्र नलिइएको तथा प्याकेजिङ्ग गरेको खाद्यान्न देखिने गरी नराखेको भन्दै कारवाही गरेको हो । चापागाँउमै रहेको पिविएनलाई भने मूल्य सूचि, दर्ता प्रमाणपत्र र साइनबोर्ड नराखेको र व्यावसाय दर्ता नगरेको भन्दै कारवाही गरेको थियो । यी दुवै व्यावसायीलाई ५ हजार जरिवाना गरिएको हो ।
यसै क्रममा असहलेसम्म कार्यालयले १९ वटा पसल व्यावसायहरुमा अनुगमनपछि कारवाही गरिएको छ । ललितपुरको गुसिङ्गाल,नखिपोटपाटनका विभिन्न क्षेत्रमा अनुगमनपछि १ लाख ३५ हजार रुपैयाँ जरिवाना वापत पैसा उठाइएको छ ।
प्रशासनले सुमेरु सिटी, विगमार्ट,डल्ले रेष्टुरेन्ट, रेड रोज पिजारिया,वगान कफी, एरोमा हिमालयन कफिलगायतका व्यावसायीहरु समेत कारवाहीमा परेका छन् ।