काठमाडौंको वाफलको जुवा अखडाबाट १९ जना पक्राउ

२१ असोज ०७८,काठमाडौं । काठमाडौंको वाफलस्थित एक जुवा अखडाबाट १९जना पक्राउ परेका छन् । प्रहरीका अनुसार काठमाडौं महानगरपालिका १३ बाफल बस्ने ४० वर्षीय रिजु श्रेष्ठको घरमा जुवातास खेलिरहेको अवस्थामा काठमाडौं कोटेश्वर बस्ने मकवानपुर थाहा नगरपालिका ६ घर भएका ३८ वर्षीय कविन्द्र बलामी लगायत १९ जनालाई बुधबार राति प्रहरीले पक्राउ गरेको छ ।
उनको घरमा जुवातास खेलिरहेको भन्ने खबर पाएपछि महानगरीय प्रहरी वृत्त कालिमाटीबाट खटिएको प्रहरीले उनीहरुलाई नगद २ लाख ८६ हजार ६५ रुपैयाँ, ३३ थान कौडा, ७ बुक तास, २८ थान मोबाईल र १ थान चेक बुक सहित फेला पारी पक्राउ गरेको प्रहरीले जानकारी दिएको हो ।