काठमाडौं उपत्यकामा ७४ प्रतिशतले लगाए कोरोनाविरुद्धको पूर्णखोप

२२ असोज ०७८,काठमाडौं । काठमाडौं उपत्यकामा ७४ प्रतिशतले पूर्ण खोप लगाएका छन् ।
स्वास्थ्य तथा जनसंख्या मन्त्रालयका अनुसार काठमाडौं उपत्यकामा १५ लाख ७९ हजार ८ सय ९७ जनाले पूर्ण खोप लगाएका हुन् ।
यस्तै ८१ प्रतिशत अर्थात् १८ लाख ४५ हजार ५ सय ७० जनाले पहिलो मात्रा खोप लगाएका छन् ।
यस्तै नेपालमा ३२ प्रतिशतले कोरोना भाइरसविरुद्धको पूर्ण खोप लगाएका छन् । मन्त्रालयका अनुसार हालसम्म नेपालमा ६९ लाख ६२ हजार १ सय ६४ जनाले पूर्ण मात्रा खोप लगाएका छन् ।
यस्तै ४० प्रतिशत अर्थात् ८७ लाख २ हजार ७ सय ५ जनाले पहिलो मात्रा खोप लगाएका छन् ।