चाँगुनारायणमा तास खेल्ने १६ जना पक्राउ

२३ असोज ०७८, चाँगुनारायण । भक्तपुरको चाँगुनारायणमा तास खेलिरहेको अवस्थामा युवाहरु पक्राउ परेका छन् ।
प्रहरीका अनुसार भक्तपुरको चाँगुनारायण नगरपालिका ४ खोरिया गाउँ बस्ने २१ वर्षीय ईश्वर तामाङको पुल हाउसमा तास खेलिरहेको अवस्थामा तामाङ लगायत १६ जनालाई बिहीबार राति प्रहरीले पक्राउ गरेको छ ।
यस पुल हाउसमा जुवातास खेलिरहेको भन्ने खबर पाए लगत्तै महानगरीय प्रहरी परिसर भक्तपुरबाट खटिएको प्रहरीले उनीहरुलाई नगद ४१ हजार ३ सय ५० रुपैयाँ र १ बुक तास सहित पक्राउ गरेको हो ।
घटनाको सम्बन्धमा प्रहरीले थप अनुसन्धान गरिरहेका जानकारी दिएकोे छ ।