चन्द्रागिरीबाट ६ जना जुवाडे पक्राउ

३ कात्तिक ०७८,काठमाडौं । चन्द्रागिरी नगरपालिका ११ बिष्णुदेवी हाउजिङस्थित सुष्मिता कोल्ड स्टोरमा तास खेलिरहेको अवस्थामा कोल्ड स्टोरका सञ्चालक यसै ठाँउमा बस्ने स्याङ्जा बिरुवा गाउँपालिका ६ घर भएकी ४२ वर्षीया आरती लम्साल लगायत ६ जना जुवाडेलाई सोमबार दिउँसो प्रहरीले पक्राउ गरेको छ ।
यस कोल्डस्टोरभित्र जुवातास खेलिरहेको सूचना पाएपछि महानगरीय प्रहरी प्रभाग बलम्बुबाट खटिएको प्रहरीले उनीहरुलाई नगद १ लाख ५ हजार २ सय ४० रुपैयाँ र ४ बुक तास सहित पक्राउ गरेको हो ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।