हात्तिबनको टहरामा तास खेल्ने ५ जना पक्राउ

४ कार्तिक ०७८, ललितपुर । ललितपुरको हात्तिबनबाट ५ जना युवाहरु ८४ हजार नगदसहित पक्राउ परेका छन् ।
ललितपुरको ललितपुर महानगरपालिका २३ हात्तिवनस्थित टहरोमा तास खेलिरहेको अवस्थामा यसै ठाउँमा बस्ने मोरङ सानेपोखरी गाउँपालिका १ घर भएका ४७ वर्षीय निलबहादुर पुलामी मगर लगायत ५ जनालाई बुधबार साँझ प्रहरीले पक्राउ गरेको छ ।
यस ठाउँमा जुवातास खेलिरहेको सूचनाका आधारमा महानगरीय प्रहरी वृत्त सातदोबाटोबाट खटिएको प्रहरीले उनीहरूलाई नगद ८४ हजार ९० रुपैयाँ र १ बुक तास सहित फेला पारी पक्राउ गरेको जानकारी दिएको हो ।