ललितपुरमा एमालेको गाँउ र नगर अधिवेशन मंगलबार हुँदैछ कहाँ ?

ललितपुर खबर
८कात्तिक ०७८,चापागाँउ । देशभर वडा अधिवेशन सम्पन्न गरेलगत्तै नेकपा एमालेले पालिका अधिवेशन मंगलबार गर्दैछ ।

यसै क्रममा ललितपुरका ६ वटै पालिकामा नगर र गाँउृ अधिवेशन हुदैछन् । गतशनिबार जिल्लाका सबै वडामा वडाअधिवेशन सम्पन्न गरेरपार्टीले नगर अधिवेशन गर्न लागेको हो ।
दक्षिण ललितपुरको महाकाल गाँउपालिकाको एमालेको अधिवेशन गोटिखेलस्थित कोप रिसोर्टमा मंगलबार आयोजना हुन लागेको नेकपा एमाले क्षेत्रीय सचिव पुरुषोत्तम हुमागाईले बताएका छन् । गाँउपालिकामा पर्वहरुको अवसरमा चियापान कार्यक्रम समेत यहि मौका राखिएको उनले ललितपुर खबरलाई बताए ।
गोदावरी नगरपालिको एमाले अधिवेशन बज्रवाराहीस्थित फुलबारीपार्टी प्यालेसमा ११ बजे आयोजना गरिएको छ ।
एमालेले ललितपुर महानगरको अधिवेशन ग्वागलस्थित ज्वागल व्याङ्क्वेटमा ११ बजे हुँदैछ । कार्यक्रममा नेता रामबहादुर थापालाई नित्याइएको महानगरकमिटी अध्यक्ष मञ्जली शाक्य आश्थाले ललितपुर खबरलाई बताइन् । पार्टी अध्यक्ष केपी शर्मा ओलिले कार्यक्रमलाई जुममार्फत सम्बोधन गर्ने कार्यक्रम तय भएका उनले बताएकीे छिन् ।
वागमती गाँउपालिकाको अधिवेशन पालिका अधिवेशन छपेलीमा विहान ११ बजे गुणकुमारी घिमिरेको घरमा हुने पालिका अध्यक्ष सागर दर्लामीले बताए ।

महालक्ष्मी नगरपालिको अधिवेशन लुभू पार्टी प्यालेस लूभुमा आयोजना हुने नगरकमिटी अध्यक्ष हरिगोविन्द श्रेष्ठले बताए ।
दक्षिण ललितपुरको कोञ्ज्योसोम गाँउपालिकामा एमाले अधिवेशन दलचोकी सामुदायिक भवन १२ गाँउ कमिटी अध्यक्ष कविन्द्र कुमार लामाले बताए ।