९ कात्तिक ०७८, चापागाँउ । दक्षिण ललितपुरको वागमती गाँउपालिकाको एमाले गाँउ कमिटीमा नवराज सञ्जेल र महाँकाल गाँउ कमिटीमा पुरुषेत्तम हुमागाँई निर्वाचित भएका छन् । दुबै कमिटीमा ७५ सदस्यीय कमिटी बनेका हुन् ।
वागमती कमिटीको उपध्यक्षमा राजकुमार तिमल्सिना, सचिव लाल बहादुर बोम्जन, उपसचिवमा भवानी बजगाईं र धन बहादुर स्याङतान छन् ।
महाँकाल गाँउपालिकाको उपाध्यक्षमा रामकृष्ण आचार्य,सचिव राजकुमार अधिकारी,उपसचिवमा पुरुषोत्तम बजगाईं र पार्वती चौरेल निर्वाचित भए भने आर्थिक विभाग प्रमुखमा विष्णु बजगाईं निवार्चित भएका छन् ।
मंगलबारै जिल्लाका सबै पालिकामा नगर र गाँउ कमिटीहरुको अधिवेशन सम्पन्न भएको एमाले सचिव पुरुषोत्तम आचार्यले बताए ।
महाँकाल गाँउपालिकाको गाँउ अधिवेशन गोटिखेलस्थित कोप रिर्सोटमा सम्पन्न भएको थियो भने वागमती गाँउपालिकाको अधिवेशन दक्षिण ललितपुरको छपेलीमा आयोजना भएको थियो ।
यी कमिटीहरु पार्टीले सर्वसम्मत निर्वाचित गरेको बताइएको छ ।
प्रतिक्रिया