चापागाँउको मुलडोल नजिकै एक युवक मृत फेला

१३ कात्तिक ०७८, चापागाँउ। ललितपुर गोदावरी नगरपालिका १० चापागाउँ खजुरी कारखाना नजिकै हेमबहादुर तामाङको घरको आँगनमा ललितपुर महानगरपालिका २२ फर्सिडोल बस्ने ३५ वर्षीय गोबिन्द तामाङ शुक्रबार मृत अवस्थामा फेला परेका छन् ।
घटना लगत्तै परिवार सम्पर्कमा आएको र तामाङको शव पोष्ट मार्टमका लागि पाटन अस्पताल लगिएको चापागाँउ प्रहरीले जानकारी दिएको छ ।
प्रहरीका अनुसार् तामाङ मामा घर आएको बेला मृत फेला परेका हुन् । उनी धेरै मादक पदार्थ सेवन गर्ने आदत रहेकाले मृत्यु भएको हुनसक्ने प्रारम्भिक अनुसन्धानबाट खुलेको प्रहरीको भनाई छ ।
घटनाको सम्बन्धमा प्रहरीले अनुसन्धान गरिरहेका प्रहरीले जानकारी दिएको छ ।

साथै काठमाडौँ दक्षिणकाली नगरपालिका ४ बाँसबारी बस्ने ४९ वर्षीय जमुना रोक्का मिजार आफ्नै कोठामा सुतिरहेको अवस्थामा आज मृत फेला परेको प्रहरी प्रधान कार्यालयले जनाएको छ ।

यता काठमाडौँको गोकर्णेश्वर नगरपालिका ८ बेँसीगाउँ डेरा गरी बस्ने नुवाकोट घर भएका ३७ वर्षीय सागर तामाङसहित ६ जनालाई कौडा खेलिरहेको अवस्थामा गए राति पक्राउ गरिएको छ ।
जुवातास खेलिरहेको भन्ने खबर प्राप्त हुनासाथ महानगरीय प्रहरी वृत्त बौद्धबाट खटिएको प्रहरीले उनीहरुलाई कौडा र रु तीन लाख ६३ हजारसहित पक्राउ गरिएको हो ।