काठमाडौंको टंकेश्वर र टोखामा चोरी

१३ कात्तिक ०७८, काठमाडौं । काठमाडौं महानगरपालिका १३ टंकेश्वर डेरा गरी बस्ने रौतहट राजदेवी नगरपालिका ३ घर भएका ४२ वर्षीय राम प्रसाद श्रीवास्तवको कोठाबाट करिब ३ लाख ३७ हजार रुपैयाँ बराबरको सुन तथा चाँदीका विभिन्न गहना शुक्रबार दिउँसो चोरी भएको छ ।
काठमाडौंको टोखा नगरपालिका ३ रमाईलो डाँडा बस्ने कुमार शाहको घरबाट १ थान टेलिभिजन र सुनका विभिन्न गहना समेत गरी करिब ४ लाख ८१ हजार रुपैयाँ बराबरको धनमाल शुक्रबार राति चोरी भएको छ ।
चोरीको सूचना पाएलगत्तै प्रहरीले चोरीमा संलग्न रहेका फरार व्यक्तिहरुको खोजी गर्नुका साथै घटनाका सम्बन्धमा आवश्यक अनुसन्धान गरिरहेको छ ।